Proveps-Knare Nomaniza 3:26-35

²⁶Na'ankure Ra Anumzamo kagrira kegva hugante'nesigeno, kagafina krifumo'a aze'origahie.

²⁷Kagrama azama huga kankamunte'ma mni'nesunka, atupama hu'nenaza vahera amane aza huo.

²⁸Tva'onkare nemni'simofona amigama hu'nesunka, oki ege'na kami'neno hunka osuo.

²⁹Tva'onkare nemnisaza vahera hazenke zamikea retro osuo. Na'ankure kagrikura taza hugahie hu'za antahinegamize.

³⁰Kegafa'a omaneno, mago kefozama huogante'nesnigenka, mago nera azerinka keaga huonto.

³¹Hazenkema hanaza vahe'mokizmi zamavu'zmavakura kegasane nosunka, zamagrama hanaza zamavu'zmavara osuo.

³²Na'ankure Ra Anumzamo'a akrehe krehe zmavu'zmava'ene vahekura avesra huno agote'nezmanteno, fatgo zmavu'zmavama nehaza vaheku avesi'nezmante.

³³Kefo zamavu'zmavama nehaza vahe'mokizmi naga'zmimofona, Ra Anumzamo'a kazusi hunezmante. Hianagi fatgo ne'mofo nagapina asomu hunezmante.

³⁴Vahe'mokizmima azanava kema huzmante vahe'mofona, Ra Anumzamo'a agri'enena azanava ke huntegahie. Hianagi anteramino manimofona, asunku hunente.

³⁵Knare antahizane vahe'mo'a, ra agi erigahianagi, neginagi antahizane vahe'mo'za, zamagazegu hugahaze.