Text copied!
CopyCompare
Anumzamofo Ruotage Avontafere - Proveps-Knare Nomaniza - Proveps-Knare Nomaniza 31

Proveps-Knare Nomaniza 31:7-26

Help us?
Click on verse(s) to share them!
7Zmatrenke'za aka tina nene'za, zamunte omnea zanku'ene, ra knazama eri'naza zankura zmagekaniho.
8Kema hugama osu'nesia vahe'mokizmima, trate'ma zamavrente'za zmazeri havizama nehanageta, kea hutma zamaza hiho.
9Zamunte'ma omane vahe'ene, zamagra'ama zamaza hugama osanaza vahe'mokizmi knarezankura, fatgo huza refkoma huzmantesaza zankura keaga hunka zamaza hugahane.
10Izaga knare avu'ava ene ara erigahane? Na'ankure e'inahukna a'mo'a, zago'amo marerisa havea agaterene.
11Neve'a ana a'mofonkura makazana hugahie huno antahinemiankino, mago zankura upara osugahie.
12Mika zupa nomni'zama'afina, ana a'mo'a, knare zanke'za nevena hunenteno, azeri havizana osugahie.
13Ana a'mo'a muse nehuno sipisipi azoka ene nofi'ene hakeno erino nofi zagiteno, agra'a azanu kukena hatino tro nehie.
14Ana a'mo'a ventemo'za zagore atre feno eri avitete'za neazankna huno, afetetira nezana erino noma'afina egahie.
15Agra masa osu'nesigeno nanterampi otino nevene, noma'afi naga'amofo nezana retro nehuno, eri'za mofamo'ma erizama emerisia zana retro huntegahie.
16Ana a'mo'a hozama ante mopa rezagneno keteno, agra'a eri'nesia zagoreti mizaseno waini hoza antegahie.
17Ana a'mo'a hanavetino eri'zana eri a'kino, hanavetino erizana erigahie.
18Ana a'mo'a zgoma erifore'ma hu eri'za eri kaziga knare hu'neanakino, tavira rekru hunteno erizana e'nerinkeno kenage segahie.
19Ana a'mo'a agra'a, azanuti nofira zagino kukena hatino tro nehie.
20Agra zamunte omane vahera zamaza nehuno, mago'a zanku'ma upama haza vahera zamaza nehie.
21Ana a'mo'a zasi koma atanigeno'a, noma'afima nemaniza naga'amo'zama zasiku'ma fri'zankura, korora osugahie. Na'ankure amuhoma hu tavravereti hatino kukena huzamantene.
22Agra tafe'ma masi tafera hatino tafera nehuno, zgo'amo mareri efeke ene fitunke tavravereti kukena hugahie.
23Rankumamofo kafantema ranra vahe'mo'zama atru huza kegagama nehazafina, ana a'mofo nevena antahimiza ke'za antahiza hu'naza nere.
24Mika zupa ana a'mo'a knare kukena nehatino, zamu'nofira tro nehige'za feno vahe'mo'za eme mizase'naze.
25Agra hanave'areti'ene ra agima amizanteti kukena hiankna nehuno, henkama esia zankura kiza regahie.
26Ana a'mo'a ama' antahizanteti kea nehigeno, agipina vahe'mofoma knare kema hunte kemo avite'ne.

Read Proveps-Knare Nomaniza 31Proveps-Knare Nomaniza 31
Compare Proveps-Knare Nomaniza 31:7-26Proveps-Knare Nomaniza 31:7-26