Proveps-Knare Nomaniza 31:11-18

¹¹Neve'a ana a'mofonkura makazana hugahie huno antahinemiankino, mago zankura upara osugahie.

¹²Mika zupa nomni'zama'afina, ana a'mo'a, knare zanke'za nevena hunenteno, azeri havizana osugahie.

¹³Ana a'mo'a muse nehuno sipisipi azoka ene nofi'ene hakeno erino nofi zagiteno, agra'a azanu kukena hatino tro nehie.

¹⁴Ana a'mo'a ventemo'za zagore atre feno eri avitete'za neazankna huno, afetetira nezana erino noma'afina egahie.

¹⁵Agra masa osu'nesigeno nanterampi otino nevene, noma'afi naga'amofo nezana retro nehuno, eri'za mofamo'ma erizama emerisia zana retro huntegahie.

¹⁶Ana a'mo'a hozama ante mopa rezagneno keteno, agra'a eri'nesia zagoreti mizaseno waini hoza antegahie.

¹⁷Ana a'mo'a hanavetino eri'zana eri a'kino, hanavetino erizana erigahie.

¹⁸Ana a'mo'a zgoma erifore'ma hu eri'za eri kaziga knare hu'neanakino, tavira rekru hunteno erizana e'nerinkeno kenage segahie.