Proveps-Knare Nomaniza 30:2-13

²Tamage nagra mago'a vahe'mo'zama nehaza havizana agaterena havizantfa nehu'na, vahe'mozama antahi ama'ma nehazaza hu'na antahiamara nosue.

³Nagra knare antahizana rempi hu'na e'orina, Anumzamoma Ruotage hu'nemofoma keno antahinoma hu antahi'zana e'ori'noe.

⁴Iza monafinka mareriteno ete erami'ne? Iza zahora aza agu'safina azeri'ne? Iza tvarave'afina tina anakino ante'ne? Iza mopa ometre emetretera mikazana antegeno fore huno me'ne? Agri agi'a iza'e, nemofo agi'a iza'e? Antahinesunka nasamio!

⁵Anumzamofo kema maka ke'za antahizama hu'nazana tamage ke me'ne. Agra mika zamagu vazinoguma Agritema neaza vahe'mokizmia hankogna hu'neno zamagu nevazie.

⁶Anumzamofo nanekerera kagra'a kagesafintira amerasenka ruokamaro, ru kazeri korino havige vahe maninane huno kazeri ama hugahie.

⁷Anumzamoka tare zantfanku kantahige'za huanki kavresra huonanto, ama mopafi ofrina kasefa hu'na maninesurera,

⁸ese' zanku'ma kantahigesuana, nazahuge'na vahe'ma revatgahu avu'avazane havigea osaneno. Anante'zana natrege'na rama'a feno vahera omanige, namunte omane vahera omanisuanki magoke magoke knama nesugeno namuma hania avamente namio.

⁹Na'ankure nagrama rama'azama antesuna, namefi hunegamina ru Ra Anumzamoka kagena antahina osu'noe huge, ru namunte omanena musufa nesena, kagi eri haviza huzankura, avamente namio.

¹⁰Mago kazokzo eriza nemofona kva'amofontera vunka ome azeri haviza hu kea osuo. Kagrama anama hnankeno'a, ana kazokzo eriza ne'mo'a antahi haviza hugantena, hazenkefi manigahane.

¹¹Mago'a vahe'mo'za nezmafana hu haviza hunezamante'za, nezamrerana musenkea hunozmantaze.

¹²Mago'a vahe'mo'zama antahi'zana kumitia omne'ne nehazanagi, Anumzamofo avurera agrua osu'naze.

¹³Mago'a vahe'mo'za knare hu'none huza zamavufga ra nehu'za, mago'a vahe'mokizmia zmage fenkami netraze.