Proveps-Knare Nomaniza 2:2-10

²knare antahintahire kagesa neminka, kagu tumokareti hunka ama' antahizana e'nerinka,

³kagrama knare'zane havizanema refko hu antahintahigu'ene, ama' antahizanku'ma kezama netinka,

⁴silvagu'ma hiankna hunka knare antahizankura nehakrenka, marerisa zantami frakinte'nea zanku hakreankna hunka hakresunka,

⁵Ra Anumzamofoma kore hunteno agorgama manizana keama nehunka, Anumzamofo antahi'zana hakrenka erifore hugahane.

⁶Na'ankure Ra Anumzamo knare antahiza neramigeno, Agri agipinti antahi'zane, antahi amama huzamofo kea ne-e.

⁷Fatgo vahe'mofona knare antahiza ante avitenenteno, makazampima mani fatgoma huno mania vahe'mofona, Agra hanko zamigna nehie.

⁸Na'ankure Agrake fatgo vahe'mokizmia kama vano hu'zazmifina kegva nehuno, zamagu tumoteti hu'za amage'ma antaza nagara kavu'za zamifina zamagu nevazie.

⁹Ana nehunka fatgo avu'avazane, fatgo huno ke refkohu avu'ava ene, maka vahe'ma mago avamente avu'avama hunte'zana antahi ankeregahane.

¹⁰Na'ankure knare antahintahimo kagu'afi unefrenigeno, antahi'zamo'a, kazeri muse hugahie.