Proveps-Knare Nomaniza 29:1-6

¹Iza'o rama'a zupama azeri fatgoma hanaza kema ontahino eritrenimo'a, ame huno havizantafa hanige'za, azeri fatgo hugara osugahaze.

²Fatgo vahe'mo'zama kvama manizage'za, mika vahe'mo'za muse nehaze. Hianagi kefo vahe'mo'zama kegvama hazage'za, zamarimpa kna nehu'za, kragi neraze.

³Ama' antahizama avesintea ne'mofo nefa'a muse nehie. Hianagi savri a'enema tagroteno nemanimo'a, fenoma'a atre vganere.

⁴Fatgo avu'ava ene kini ne'mofo kumamo'a, oti hanavetigahie. Hianagi masavema ami kazigatima ami'naza zagoma eri nemo'a, kuma'amofona eri haviza hugahie.

⁵Tava'o zamirema maninesia vahe'ma rezmatga hu'za masave kema huzmantaza zamo'a, zamagra'a kama nevazafi kuko anteankna nehaze.

⁶Kefo vahe'mofona krifumo azeriankna huno kumimo'a azenerianagi, fatgo vahe'mo'za zgame hu'za muse nehaze.