Proveps-Knare Nomaniza 26:15-25

¹⁵Feru vahe'mo'a ne'zama ante tafepintira ne'zana erigahianagi, agipina erinteno nezankura avesra hugahie.

¹⁶Feru vahe'mo'a agraguma antahiana, 7nia knare antahizane vahera, nagra zamageterenoe huno nentahie.

¹⁷Rumozama ha' frama nehazafima, anintka huno kema hu'zamo'a, kramofo agesare avazu huno viankna nehie.

¹⁸Tava'oma'are nemanimofoma revatga nehuno, kiza zokago ke hugantoe hunoma nehimo'a, negi ne'mo teve nerea keve ome ahetre eme ahetre hiankna nehie.

²⁰Hagege teve rampama omanesigeno'a, tevea rukru huno ontegahie. Hagi vahe zamefi kema hu'zama omanesigeno'a, ha' frama hu'zana omanegosie.

²¹Tevemo'a tanknuzare tevea nereno hagage teve rampare rukru huno tevea nereankna hu'za keframa vazi vahe'mo'za, ha'ma hu'zana eri agafa nehaze.

²²Vahe'ma amefi agenke hu kemo'a, haganentake ne'zankna hu'neankino, vahe'mofo agu'afinka unefre.

²³Vahe'ma azeri havizahu antahizama kagu'afima me'negenka, amne kagitetima fru kema humisanana, mopa kavomofo amega'a silva masave frenteno eri knare hiankna hugahane.

²⁴Magomo'ma avesra hunentesia vahe'mofoma amega agiteti avurera so'e ke humigahianagi, agu'afina antahi muginente.

²⁵Knare kema hanigenka ana kegura tamage hunka antahiomio, na'ankure agu'afina 7ni'a kasrino agote'zamo avitene.