Proveps-Knare Nomaniza 23:22-31

²²Kasema kante'nea negafa ke'a nentahinka, negrerama tvavaresigenka kefenkamia otro.

²³Tamage ke'ma mizase'nenunka zgorera otro, ama' antahizanki, huoguma rempima hugamisiazanki, antahi'ama huno refkoma hu'zana erio.

²⁴Fatgo avu'avama nehia mofavremofo nefa'a, tusi'a muse hugahie. Hagi ama' antahiza eri'nea mofavre'agura, nefa'a muse huntegahie.

²⁵E'inahu kavukva hunka negrera kfama azeri muse nehunka, ksegante'nea negrerana azeri muse huo.

²⁶Mofavre'nimoke, kagu'tumoka'a Nagri nenaminka, kvuma ke'sanana, Nagri navu'navate kento.

²⁷Monko avu'avama huno Savrima huno vanoma nehia a'mo'a, murigankna higeno, vema ante'nea a'mo'ma savrima huno vanoma nehia a'mo'a, osi tinkerigna huno urami'neankino, ana tinkerifima uramisaza vahe'mo'za haviza hugahaze.

²⁸Ana a'mo'a kumza vahe'kna huno kazeri savri hunaku kaveganteno mni'neankino, venenea azeri savri hanigeno, mani fatgo huno a'are'ma omani'zamo'a ra hugahie.

²⁹Iza hazenkefina mni'vava higeno, iza asu zampina nemanie? Iza ke hakarea nehigeno, iza hara azeri o'netie? Iza avufamo hazenkea erigeno namuna nere? Iza avumo korankera nehie?

³⁰E'i anazama fore'ma nehiana zazate'ma aka tima nenaza vahe'ene, hanave waini tima tagi havia hu'za ne'naza vahe'tmimofonte fore nehie.

³¹Atregeno wainimo'ma korankrema nehuno, agrema'amo taferopinti krakra huno mrenerino, knankente'ma fruma huno urami'nia zamo'a, kazeri kasanea osino.