Proveps-Knare Nomaniza 23:1-13

¹Rankva ne'ene kave negahane hu'za kagima hanagenka umani'nenka nezama nekura, antahi so'e hutenka kva hunka ne'zana no.

²Rama'a ne'zama ne' vahe'moka, kagraka'a knankenofi kazinuti taga hiankna nehane.

³Rankva ne'mofo ne'zamo'a, ksanea osino. Na'ankure ana kaveteti, regavatga hugahie.

⁴Feno vahe'ma mni'zankura maragu'zatinka kazeri havizana osunka, ama' antahiza e'nerigeno feno vahe'ma mani antahizamo'a kazeri havizana osino.

⁵Kavuma keramage'ma hanankna huno, feno zankamo'a fanane hugahie. Na'ankure agekona eri atareno tumpa namamo hareno hampompi mareriankna huno, afe hugahie.

⁶Veva osu ne'mo'ma ne'za emeno huno kagi hania nezantera ovuo. Knare ne'za krentesia nezantera, ksanegura osuo.

⁷Na'ankure agra e'inahukna ne'kino, nama'a mizana hugahie antahintahi hakare nehuno, ne'zana nenenka tina no hugahianagi, agri agu'amo'a, kagri'enena omane'ne.

⁸Anama ne'nana nezana amu'atinetrenka, nanekema hu so'e huntenana zamo'a, amanezankna hugahie.

⁹Neginagi vahe'ma mani'nenafina keaga osuo, na'ankure ama' antahizanteti hanana kea, huhaviza hugahaze.

¹⁰Tamagehe'mo'za koma re'ne'naza kanagi kana akasi kantugma osuge, megusa mofavre'mofo mopa kavunofi ahenka e'orio.

¹¹Na'ankure zamahoma ke'nia Nera hankave Ne' mani'neankino, tamagrira keaga Agra'a hurmantegahie.

¹²Kagu'areti kavumro kea nentahinka, antahizama kami kere kagesa antenka antahio.

¹³Mofavrema azeri fatgoma huzankura, korera osuo. Kagrama knoma amisanana ofrigahie.