Proveps-Knare Nomaniza 18:3-10

³Kefo avu'ava'ene vahe'mo'a, mago'a vahekura antahi amane'za neseno, zmagi'a eri haviza nehuno, zmagaze eri'nezamie.

⁴Knare antahizane vahe'mofo agipinti kemo'a, tiru kna hu'ne. Hianagi mika knare antahizamo, timo kerifinti aviteno herafiramino neviankna nehie.

⁵Hazenkema huteno trate'ma otisigenka, hazenkema hu'nesia vahera aza osutfa huo. Hagi fatgo vahe'ma keagafima oti'nenigenka havigema huntenka azeri atre'zankura kva huo.

⁶Neginagi vahe'mofo kemo'a, hafra hu'za eri fore nehigeno, ana ke'zmimo'a kanonkevegu meme nehie.

⁷Neginagi vahe'mofo agi'mo'a, havi ke'agage nehanigeno, krifu agra'a avufare anaginente'ankna nehiakino, agrira azeri haviza hugahie.

⁸Vahe agenkema hu'zamo'a, haga ne'zankna hu'neankino, ame huno vahe agu'afina ufregahie.

⁹Zaferina omane feru vahe'mo'a, makazama eri havizama nehia vahe'mofo nefu manine.

¹⁰Ra Anumzamofo agimo'a hanavenentake vihugna hu'neankino, fatgo vahe'mo'za agritega zamagare'za nevazageno, zamagu nevazie.