Proveb 8:22-30

²²En avong mulamu, Ahi mumonau, isok vi Meteisauen. Kei mumonau mulamu en tounah savsav keil vasi koa mumoni.

²³En avong koa mum rohtoh en tounah keil, inau namulamu en keil. Navong out netan tovuol veah, inau namul tuai.

²⁴Navong atas ka oaisal keil atovuol veah, inau naros.

²⁵Ahi mumonau mulamu en vatihou keil ka mulamu en avong kei ling kat hou keil en out kati one.

²⁶Mulamu en avong koa Ahi mumon out netan ka tounah keil koa amoul ien, navong atan tovuol veah, namul tuai.

²⁷Inau namul en usiven Ahi navong kei ling teilang en out kati onen, ka navong ling hakot teni mai rokol atas.

²⁸Inau nalesi navong kei ling mahmah en teilang, ka sakin oaisal keil amue uva en atas.

²⁹Nalonge navong Ahi viten out koa atas hevus eni, ka navong ling hakot ten atan.

³⁰Inau namum vesesal ven Ahi suval avat toumien onen. Lises, kei si venau, ka inau, nasi nau mun mato vatal mini.