Proveb 31:26-31

²⁶Ahin koa tahos mul selus ral min meteisau ka hihiseien tahos keil akistal ran ongon.

²⁷Kei kilea en tounah koa kur out en teim sen, ka sakien ten taripeng tovuol ien.

²⁸Titiali keil onen amasmasi, ka meatin onen emun vati lat isen.

²⁹Meatin onen mul viteni mini vit, “Ahin sav keil amum tahos, ka keik, komum tahos mulin keil.”

³⁰Ahin koa vi hungevai kilea valuvos meatin, ka more nan hevuol avong tai. Ka ahin koa mul vouhou revi min Iahova, kei ihati lat isen.

³¹Tahos keke meatin onen hesan ris ui umen min ahin onen, ka hehati lat isen en meten meatin sav keil ven umen tetahos onen.