Pris Sę Ebo Bomai Po 8:32-35

³²“Te dage tuali tabi baso da, teda te me badu munalubo kibu mi me bret, dagego te siaba ulama, te siago tigidali dela silimainao,” wali.

³³“Dage te Godigo sel Ugwa Be sunumide bidaludubadi te nogo a naga olama, me badu nogo si wagi solama sogo bidao. Te dage pris sęba muani sogo 7 sogo elalueibao. Tama tibaso, dagego me tagaligio, te sogoba usu nama silimainao.

³⁴Genuai Bidigo digi dabolo walama, te dagego sęgę sela sąyu, te tigidali sę emainogo yai. Te megi da dago te sę yali dao.

³⁵Dage te sel Ugwa Be sunumide te giligade me hulide bidalubadi, te a naga olama, me si sogo usu nao, tama dagego te Genuai Bidigo dagebolo yao wali sę tigidali yao. Genuai Bidigo enabolo tama tiwai po wai. Tiyu, dagego agai po sela sąbaso, te dage isabuo wai dao.”