Pris Sę Ebo Bomai Po 11:20-25

²⁰Te sągą si me nogo si me bogo elalubo nai tigidali, te augwali wiegi yai nai meni, te habu sabo usu dao.

²¹Te sągągo sasa mano pabo, te tobage nai yaibaso da, teda dagego tuabo usu yaibao.

²²Tama dagego te tobage kuli mano tigidali tubaso usu yaibao, te genuai me dwasianu dabe te tuagameo. Te tama dao.

²³Te gasa nai tigidali te nogo si sągą si te bogo me elalubaso da, teda augwali dagego te dwai nai da te homu elama, habu sao,” wali.

²⁴“Te me badu gasa tobage hasago me te dage eno gedude meda pedalubo sę yaibao. Te bidi me deli te isai hasago tigi diąwai baso da,

²⁵ma agai gasaba me tolasa pai baso da, teda te bidi eno gedude meda pedelama, te bididubadi be pioba mu usu naibao. Tama te hasa tolali bidigo ugwa me ąį telayao,” te po wai dao.