Text copied!
CopyCompare
Sanskrit Bible (NT) in Harvard-Kyoto Script - preritAH - preritAH 19

preritAH 19:1-40

Help us?
Click on verse(s) to share them!
1karinthanagara ApallasaH sthitikAle paula uttarapradezairAgacchan iphiSanagaram upasthitavAn| tatra katipayaziSyAn sAkSat prApya tAn apRcchat,
2yUyaM vizvasya pavitramAtmAnaM prAptA na vA? tataste pratyavadan pavitra AtmA dIyate ityasmAbhiH zrutamapi nahi|
3tadA sA'vadat tarhi yUyaM kena majjitA abhavata? te'kathayan yohano majjanena|
4tadA paula uktavAn itaH paraM ya upasthAsyati tasmin arthata yIzukhrISTe vizvasitavyamityuktvA yohan manaHparivarttanasUcakena majjanena jale lokAn amajjayat|
5tAdRzIM kathAM zrutvA te prabho ryIzukhrISTasya nAmnA majjitA abhavan|
6tataH paulena teSAM gAtreSu kare'rpite teSAmupari pavitra AtmAvarUDhavAn, tasmAt te nAnAdezIyA bhASA bhaviSyatkathAzca kathitavantaH|
7te prAyeNa dvAdazajanA Asan|
8paulo bhajanabhavanaM gatvA prAyeNa mAsatrayam Izvarasya rAjyasya vicAraM kRtvA lokAn pravartya sAhasena kathAmakathayat|
9kintu kaThinAntaHkaraNatvAt kiyanto janA na vizvasya sarvveSAM samakSam etatpathasya nindAM karttuM pravRttAH, ataH paulasteSAM samIpAt prasthAya ziSyagaNaM pRthakkRtvA pratyahaM turAnnanAmnaH kasyacit janasya pAThazAlAyAM vicAraM kRtavAn|
10itthaM vatsaradvayaM gataM tasmAd AziyAdezanivAsinaH sarvve yihUdIyA anyadezIyalokAzca prabho ryIzoH kathAm azrauSan|
11paulena ca Izvara etAdRzAnyadbhutAni karmmANi kRtavAn
12yat paridheye gAtramArjanavastre vA tasya dehAt pIDitalokAnAm samIpam AnIte te nirAmayA jAtA apavitrA bhUtAzca tebhyo bahirgatavantaH|
13tadA dezATanakAriNaH kiyanto yihUdIyA bhUtApasAriNo bhUtagrastanokAnAM sannidhau prabhe ryIzo rnAma japtvA vAkyamidam avadan, yasya kathAM paulaH pracArayati tasya yIzo rnAmnA yuSmAn AjJApayAmaH|
14skivanAmno yihUdIyAnAM pradhAnayAjakasya saptabhiH puttaistathA kRte sati
15kazcid apavitro bhUtaH pratyuditavAn, yIzuM jAnAmi paulaJca paricinomi kintu ke yUyaM?
16ityuktvA sopavitrabhUtagrasto manuSyo lamphaM kRtvA teSAmupari patitvA balena tAn jitavAn, tasmAtte nagnAH kSatAGgAzca santastasmAd gehAt palAyanta|
17sA vAg iphiSanagaranivAsinasaM sarvveSAM yihUdIyAnAM bhinnadezIyAnAM lokAnAJca zravogocarIbhUtA; tataH sarvve bhayaM gatAH prabho ryIzo rnAmno yazo 'varddhata|
18yeSAmanekeSAM lokAnAM pratItirajAyata ta Agatya svaiH kRtAH kriyAH prakAzarUpeNAGgIkRtavantaH|
19bahavo mAyAkarmmakAriNaH svasvagranthAn AnIya rAzIkRtya sarvveSAM samakSam adAhayan, tato gaNanAM kRtvAbudhyanta paJcAyutarUpyamudrAmUlyapustakAni dagdhAni|
20itthaM prabhoH kathA sarvvadezaM vyApya prabalA jAtA|
21sarvveSveteSu karmmasu sampanneSu satsu paulo mAkidaniyAkhAyAdezAbhyAM yirUzAlamaM gantuM matiM kRtvA kathitavAn tatsthAnaM yAtrAyAM kRtAyAM satyAM mayA romAnagaraM draSTavyaM|
22svAnugatalokAnAM tImathiyerAstau dvau janau mAkidaniyAdezaM prati prahitya svayam AziyAdeze katipayadinAni sthitavAn|
23kintu tasmin samaye mate'smin kalaho jAtaH|
24tatkAraNamidaM, arttimIdevyA rUpyamandiranirmmANena sarvveSAM zilpinAM yatheSTalAbham ajanayat yo dImItriyanAmA nADIndhamaH
25sa tAn tatkarmmajIvinaH sarvvalokAMzca samAhUya bhASitavAn he mahecchA etena mandiranirmmANenAsmAkaM jIvikA bhavati, etad yUyaM vittha;
26kintu hastanirmmitezvarA IzvarA nahi paulanAmnA kenacijjanena kathAmimAM vyAhRtya kevalephiSanagare nahi prAyeNa sarvvasmin AziyAdeze pravRttiM grAhayitvA bahulokAnAM zemuSI parAvarttitA, etad yuSmAbhi rdRzyate zrUyate ca|
27tenAsmAkaM vANijyasya sarvvathA hAneH sambhavanaM kevalamiti nahi, AziyAdezasthai rvA sarvvajagatsthai rlokaiH pUjyA yArtimI mahAdevI tasyA mandirasyAvajJAnasya tasyA aizvaryyasya nAzasya ca sambhAvanA vidyateे|
28etAdRzIM kathAM zrutvA te mahAkrodhAnvitAH santa uccaiHkAraM kathitavanta iphiSIyAnAm arttimI devI mahatI bhavati|
29tataH sarvvanagaraM kalahena paripUrNamabhavat, tataH paraM te mAkidanIyagAyAristArkhanAmAnau paulasya dvau sahacarau dhRtvaikacittA raGgabhUmiM javena dhAvitavantaH|
30tataH paulo lokAnAM sannidhiM yAtum udyatavAn kintu ziSyagaNastaM vAritavAn|
31paulasyatmIyA AziyAdezasthAH katipayAH pradhAnalokAstasya samIpaM naramekaM preSya tvaM raGgabhUmiM mAgA iti nyavedayan|
32tato nAnAlokAnAM nAnAkathAkathanAt sabhA vyAkulA jAtA kiM kAraNAd etAvatI janatAbhavat etad adhikai rlokai rnAjJAyi|
33tataH paraM janatAmadhyAd yihUdIyairbahiSkRtaH sikandaro hastena saGketaM kRtvA lokebhya uttaraM dAtumudyatavAn,
34kintu sa yihUdIyaloka iti nizcite sati iphiSIyAnAm arttimI devI mahatIti vAkyaM prAyeNa paJca daNDAn yAvad ekasvareNa lokanivahaiH proktaM|
35tato nagarAdhipatistAn sthirAn kRtvA kathitavAn he iphiSAyAH sarvve lokA AkarNayata, artimImahAdevyA mahAdevAt patitAyAstatpratimAyAzca pUjanama iphiSanagarasthAH sarvve lokAH kurvvanti, etat ke na jAnanti?
36tasmAd etatpratikUlaM kepi kathayituM na zaknuvanti, iti jJAtvA yuSmAbhiH susthiratvena sthAtavyam avivicya kimapi karmma na karttavyaJca|
37yAn etAn manuSyAn yUyamatra samAnayata te mandiradravyApahArakA yuSmAkaM devyA nindakAzca na bhavanti|
38yadi kaJcana prati dImItriyasya tasya sahAyAnAJca kAcid Apatti rvidyate tarhi pratinidhilokA vicArasthAnaJca santi, te tat sthAnaM gatvA uttarapratyuttare kurvvantu|
39kintu yuSmAkaM kAcidaparA kathA yadi tiSThati tarhi niyamitAyAM sabhAyAM tasyA niSpatti rbhaviSyati|
40kintvetasya virodhasyottaraM yena dAtuM zaknum etAdRzasya kasyacit kAraNasyAbhAvAd adyatanaghaTanAheto rAjadrohiNAmivAsmAkam abhiyogo bhaviSyatIti zaGkA vidyate|

Read preritAH 19preritAH 19
Compare preritAH 19:1-40preritAH 19:1-40