Prabebs 7:21-26

²¹Lagijat na det gel bin tok garram switbala wed en imbin meigim det yangmen gudbinji, en imbin lidim det yangmen blanga dum rong ting.

²²“Wal streidawei det yangmen bin bulurrum det gel jis laik det buligi wen dei lidim im langa det pleis weya dei garra kilim im, o jis laik det enimul wen im git trep,

²³en sambodi shudum det erro thru langa im hat. Imbin git trep jis laik bard weya gowin langa det net. Im nomo bin sabi im laif langa deinja.

²⁴“Wal main san, yu lisin langa mi. Yu lisin en teiknodis wanim ai dalim yu.

²⁵Yu nomo larram detkain wuman trikimbat en teikoba yu. Yu nomo go en bulurrum im.

²⁶Imbin ardim loda gudbala men en imbin meigim bigismob men dai du.