Prabebs 26:15-25

¹⁵Sambala jidan brabli leisibala en dei kaan lidimap olabat bingga blanga fidim miselp.

¹⁶Leisibala oldei tok, “Mi mowa sabibala langa sebenbala brabli sabibala men.”

¹⁷Im mobeda blanga yu blanga gajulum dog langa im dubala irriwol den blanga joinin langa enibodi agamin.

¹⁸Im mowa medwan ting blanga tjidimbat langa sambodi en tok, “Aibin jis meigimbat fan langa yu,” den blanga shudum erro blanga kilim sambodi.

²⁰If yu nomo garram wud, det faiya kaan barn, en if yu nomo dalimbat laiya, det agamin stap.

²¹Detlot trabulmeika oldei stadimap trabul, jis laik lilwan faiya stadimap bigwan faiya.

²²Wen sambodi irrimbat eni yan im meigim im wandi irrimbat mowa, jis laik wen yu dagat shugabeig yu wandim dagat mowa.

²³Detlot pipul hu oldei jinggabat pipul nogudbalawei bat oldei tok garram kainwan wed, dei jis laik wen sambodi pudum purdiwan peint langa rabishwan dish.

²⁴If enibodi hu tok gudwan wed langa yu bat im nomo laigim yu en im jinggabat ola nogudbala plen langa im main,

²⁵wal yu kaan bilib langa im wed en yu kaan kaundimap ol detlot nogudwan plen im garram.