7Detkain pipul oldei luk haumatj yu dagat en dei dalim yu, “Kipgon dagat mowa,” bat dei nomo tok trubalawei.
8Wal yu garra baku det daga weya yubin dagat en yu garra weistim ol yu kainwan wed.
9Yu nomo tok langa silibala pipul. Dei kaan lisin langa yu sabibala wed.
10Yu nomo go en mubum det bandri mak brom det pleis weya im jidan en yu nomo teikoba det kantri blanga detlot pipul hu nomo garram mami o dedi.
11YAWEI det trubala God, im na det brabli strongbalawan hu oldei maindimbat olabat, en im garra tok blanga olabat.