Poropepe 31:13-27

¹³Baa range mee pisa napala romo pyuo nyuu yambale wapuo lee kyaso komau kii pyuo petenge.

¹⁴Pipala karona bange nanesa sipyamo manjo epelyamo dopale ingyuo baame ee kwaipi nanesa dupwana nenge nyuo manjo anda epenge.

¹⁵Enda baa ene endenge singi dokopa sipurao banya ree palu dupwana nenge rapa rapa pyuo dee banya kendemande wanake dupwa dopa pinya dapa pinya lao lamaiyuo pingi.

¹⁶Baa yuu mende kandapala isa girapo dupwa dokona wara piruŋu lao sepala enda rangena kana dokome ropo pingi.

¹⁷Baa enda porai wakasa yulu pinya wangu lakapala pyuo pinjingi lyolo pingi.

¹⁸Baa bange wasingi dupwa dusipa nyerolyamo lao sepala yulu pyuo piso kukwa ingyapala enako luu palenge.

¹⁹Baa rangeme elyoko wale pyao banya nyuu yambalepe dupwa wapungi.

²⁰Wapupala wambu pendewa ingyuo karenge dupwa mumu laa nao nyiso maiyuo petenge.

²¹Banya ree palu dupwa kupwa komau isasa pingi waso maiyuo kaenge dokona lao kupwame kumungi yuu gii dokopa baa mona randa nange.

²²Baame yapo nao palenge komau dupwa waso dee komau muku keyange elyoko kumapala dokome komau waso wapungi.

²³Banya akalingi baa akali kyawa ingyuo karenge dokona wambu peparaeme soo gisingi.

²⁴Enda baame mola marapu dupwa pyaope dee komau dupwa wasope pipala wambu bange malu ropo pingi dupwa maipala kana nyingi.

²⁵Dopa pingi dokona wambu dupwame baa enda porai kapa palyuo petamo dopa lao suu pingi dokopa enda dokome rengya pira dupwana paka manja nao petenge.

²⁶Baa pii dupwa mona palenge singinya renge dokome soo nembo wane wane karo lenge.

²⁷Baa enda yuu peparae romo pyuo karo banya ree palu dupwa aki mende aeya napya kandapi lao poraiyuo rapu pingi.