Text copied!
CopyCompare
Allah Yubu - Pogsiognang - Pogsiognang 23

Pogsiognang 23:12-18

Help us?
Click on verse(s) to share them!
12Wene seogpa, mabogha ae kwelekaogpa, nimi Yahudi nimi taneko tognorobag longoptaekti, 鈥淧aulus obukap,鈥 aro yubu lelamekti, 鈥淓l ya'ag obebe taneogna kwanengap magap tukap. Kom tanena Allahri nu opsinep,鈥 aro salag yubu karebaek.
13鈥淓l obeberi, kwaneng tukap,鈥 seek nang taneko teng nhonap epto naual bare nangdi lelamekpa, nen ma'aropne wamekti.
14鈥淓l obeberi, kwaneng tukap,鈥 seek nang tanekori memnang Allah sembe pairopnang sikindo yaboap, Yahudi nimi sikindoyabo wenehiropnangap ambarel phiekti, 鈥淣una 'Paulus obebe taneogna kwanengap magap tukap. Kom tanena Allahri nu opsilul,' aro salag yubu karebap.
15Wene aro karebap ana, a'unap Yahudi nimi sembe tam lelekto kemero kareptopnang Mahkamah Agama nangap poloro wapmundi, mome toro yin saleropne sikindoag mome pipmunba, 'Nen sap samoro tam wali uro kembaukap ane sembe Paulus payalulam,' aro maneri mome toro piplulom. Pipmunba, yin saleropnang sikindori mololapmunne ka'ebaleri, nuri 'Obaukap,' senelamapne ekondi, 'Paulus sin wamangag payalulom,' aro arukahilul. Arukahileba, payalamikpa, inaag anam a'unag Paulus payan komag nuri inaag webaberi obukap,鈥 aro ambatsiek.
16Wene alameka aghana Paulus ilipsa'eldi mangaroba me nhon wamog menekori sindi yubu lelamekne ka'ebahiog. Ka'ebaogti, meneko yin salerop nangdi aeag piogti, 鈥淧aulusap haiptanunam,鈥 aro yin salerop nang yae wamek nang tanekoag ambatsiogpa, 鈥淗ae haiptarurom,鈥 seekpa wa'iogti, sindi lelamekne ka'ebahiogne Paulusag ambarog.
17Wene aro ambarogpa, Paulusti yin saleropne nhon yobogti, 鈥淢e ane poa lepmendi, a'undo yin salerop neag poa pululam. El a'undoag yubu olog leplul,鈥 seog.
18Wene seogpa yin saleropne ponekori me aneko poa lebogti, sikindo yin saleropneag poa piogti ambarelamogti, 鈥淧aulus ae kop aeag wamlange ponekori yopneldi, 'Me ane anag poa pululam,' sel. 'Meneri yubu olog elag ambatlul,' selba payan,鈥 seog.

Read Pogsiognang 23Pogsiognang 23
Compare Pogsiognang 23:12-18Pogsiognang 23:12-18