Pisalem 80:6-12

⁶Goe ne hai nia henua ala i madau daha gi heebagi i hongo madau henua. Madau hagadaumee e haganneennee gimaadou.

⁷Meenei di God Koia e Aamua, laha adu gimaadou gi muli! Goe haga maalama ina gimaadou gi o hadumada, gei gimaadou ga mouli!

⁸Goe ne gaamai dau laagau ‘grape’ i Egypt, ga hagabagi gi daha digau ala i golo ala nogo noho i tenua, gaa dogi di laagau deelaa i tenua digaula.

⁹Goe ne haala dau madagowaa belee tomo aga ai di maa. Nia aga o di maa gu hula loo gi lala gu modoho i lodo tenua gu haga honu tenua.

¹⁰Nia gonduu guu gahu go di maa gi dono malu, nia manga di maa guu gahu nia laagau ‘cedar’ lloowehaa.

¹¹Nia manga di maa gu lloo adu gi di tai go Mediterranean, ga hanadu loo gi di monowai go Euphrates.

¹²Goe ne oho di abaaba dela e haganiga di maa eimaha? Nia daangada ma ga hula laalaa, le e mee hua di gaiaa nia huwa o di maa.