Pisalem 7:8-15

⁸Goe go Tangada Hai gabunga o nia daangada huogodoo. Meenei Dimaadua, hagamodongoohia ina ogu donu i do madagoaa ma ga hagi aga au. Goe e iloo bolo au deai ogu huaidu ai.

⁹Goe di God e donu, dela e hagi aga madau hagabaubau mo madau hiihai. Dugua nia hai huaidu o digau hai mee huaidu, huia digau ala e humalia.

¹⁰God go dogu hagaloohi, Mee e haga dagaloaha digau ala e hagalongo ang gi de Ia.

¹¹God go tangada hai gabunga e donu, Mee e nnoo mau e hagi aga digau hai mee huaidu.

¹²Maa digaula hagalee huli nia hangaahai o nadau mouli, gei God gaa olo dana hulumanu dauwa gii gaa, ga haga biga dana maalei gi togomaalia.

¹³Mee ga dahi aga ana goloo dauwa daaligi dangada, ga madagiwi ana amu maalei ulaula.

¹⁴Mmada malaa gi nia hai o digau huaidu ala e haganohonoho nadau hai huaidu i lodo nadau manawa. Digaula e haganohonoho nadau hai ala belee haga huaidu nia daangada, mo di halahalau dangada.

¹⁵Gei nia hele ala ne haga togomaalia go digaula belee hele digau ala i golo, la ga bida hele ginaadou.