Pisalem 63:4-11

⁴Au ga danggee adu gi di Goe i di waalooloo o dogu mouli. Au ga daahi aga ogu lima e dalodalo adu gi di Goe.

⁵Dogu hagataalunga ga miami ga maaluu gadoo be tangada dela ne miami i tagamiami damana, gei au ga daahili adu gi di Goe nia daahili hagaamu.

⁶Dogu moe hua i hongo dogu hada, gei au ga langahia eau Goe. Di boo hagatau gei au e mamaanadu mai Goe,

⁷idimaa, Goe dela nogo hagamaamaa au i nia madagoaa huogodoo. Au e daahili tenetene i lala di malu o bakau.

⁸Dogu hagataalunga e pigi adu gi di Goe, gei doo lima gau donu e daahi au.

⁹Digau ala bolo ginaadou e daaligi au la gaa hula gi lala gi di gowaa o digau mmade.

¹⁰Digaula ga daaligi i lodo tauwa, gei nia huaidina digaula gaa gai go nia paana lodo geinga.

¹¹Gei ogo di king ga tenetene, idimaa, God ne hai a mee gi aali. Digau ala ne hai nadau hagababa i di ingoo o God la ga hagaamu a Mee, gei nia ngudu o digau hai kai tilikai gaa pono.