Pisalem 5:4-12

⁴Goe go di God dela e hagalee tenetene gi nia haihai hala. Goe hagalee dumaalia gi digau hai mee huaidu gi lloomoi la oo mua.

⁵Goe hagalee hiihai gi digau hagamuamua. Goe e hagadugina gi digau huaidu huogodoo.

⁶Goe e hagammaa gi daha digau hai kai tilikai huogodoo. Goe hagalee hiihai gi digau daaligi dangada gii mmade mo digau halahalau dangada.

⁷Idimaa go do aloho damanaiee dela ga mee iei au di hanimoi gi lodo doo hale, gaa mee di daumaha i lodo doo hale haga madagu, mo di bala gi lala e hagalaamua Goe.

⁸Meenei Dimaadua, ogu hagadaumee gu dogologowaahee! Dagina au gii mee au di haga gila aga do manawa. Hagia mai gi di au oo ala gii mee au di daudali Goe.

⁹Au hagalee loo e hagadonu nia mee ogu hagadaumee ala e helekai ai. Di mee i lodo digaula la go di hiihai bolo e daaligi tangada gii made. Nia helekai digaula le e humalia huoloo ge haga manawa lamalia, malaa e hontula i nia halahalau dangada huaidu.

¹⁰Hagi aga ina mo di hagaduadua ina digaula, meenei God. Nadau hagamaanadu huaidu gii bida hagahuaidu ina ginaadou. Hagabagia digaula gi daha mo oo mua, idimaa go nadau huaidu e logowaahee mo nadau hai baahi adu gi di Goe.

¹¹Digau huogodoo ala e gida nadau gowaa e pala ai ginaadou gi doo baahi la ga tenetene, digaula ga dadaahili tenetene i nia madagoaa huogodoo. Abaaba ina digau ala e aloho i do ingoo, digaula e tenetene idimaa Kooe.

¹²Meenei Dimaadua, Goe e hagamaluagina digau ala e hagalongo adu gi di Goe. Do aloho e abaaba digaula gadoo be di mee abaaba.