Pisalem 46:2-10

²Malaa, gidaadou gi hudee mmaadagu, ma e aha maa henuailala ga ngalungalua mo nia gonduu ga monnono gi lodo di moana llala,

³ma e aha maa nia beau o di moana ga ngoloolo, gei nia gonduu ga lullulu go nia beau llauehe.

⁴Di monowai mmidi i golo dela e haga tenetene ai di waahale damana a God, di hale haga madagu o Tangada Aamua Muginua.

⁵God le e noho i lodo di waahale damana deelaa, e deemee loo di haga mooho. Hagaluada loo, gei Mee e hanimoi e hagamaamaa di maa.

⁶Nia henua llauehe gu mmaadagu huoloo, nia henua king gu ngalungalua. God le e helekai hua gi nua, gei henuailala gu waiwai.

⁷Yihowah Koia e Aamua le e noho i tadau baahi. Di God o Jacob la deelaa go tadau gowaa e pala ginai gidaadou.

⁸Lloomoi, gii mmada goodou gi nia mee a Dimaadua ala ne hai. Mmada gi nia hagadilinga mee haga goboina a Mee ala ne hai i henuailala.

⁹Mee e dugu nia dauwa huogodoo i hongo henuailala, Mee e hadihadi nia maalei ge e oho nia daalo hai dauwa, ge e dudu nia mee abaaba.

¹⁰Mee e helekai, “Goodou dugua godou dauwa, gei gi iloo bolo Au go God, dela e koia e aamua i baahi nia henua, ge koia e aamua i hongo henuailala.”