Pisalem 34:12-16

¹²Goodou e hiihai e manawa lamalia i lodo godou mouli? Goodou e hiihai gi mouli waalooloo mo di tenetene?

¹³Malaa, goodou hudee helekai huaidu ge hudee helekai tilikai.

¹⁴Maaliu mai gi daha mo nia hai mee huaidu, heia go nia mee ala e humalia. Haga mahi dadaahia hua beelaa di noho baba aga i godou manawa hagatau.

¹⁵Dimaadua le e madamada humalia i digau ala e donu, ge e hagalongo gi nia dangidangi digaula.

¹⁶Gei Mee e hai baahi gi digau ala e hai nia mee huaidu. Digaula ma gaa mmade, gei tangada e langahia digaula ai.