Pisalem 14:1-7

¹Digau hagabaubau ihala e helekai i lodo nadau manawa boloo: “Ma hagalee di God ai.” Digaula huogodoo le e huaidu, digaula guu hai nia mee ala koia e huaidu, tangada i digaula e hai nia mee humalia ai.

²Dimaadua e mmada ia i di langi gi nia daangada dangada be di maa iai tangada e kabemee, be ma iai tangada e daumaha ang gi de Ia.

³Malaa, digaula huogodoo guu huli gi daha, digaula huogodoo gu huaidu be di mee e dahi, deai tangada i digaula e hai di mee e donu ai, tangada e dahi ai.

⁴Dimaadua ga heeu, “Ma e aha, digaula e de iloo? Digau huogodoo hai mee huaidu aanei, la hagalee kabemee? Digaula e mouli mai i nadau gaiaa agu daangada, gei digaula hagalee loo e dalodalo mai gi di Au.”

⁵Malaa, digaula ga mmaadagu huoloo, idimaa, God le e madalia digau ala e hagalongo gi Mee.

⁶Digau hai mee huaidu le e haga dee kila nia haganoho o digau hila gi lala, gei Dimaadua la go Mee dela e madamada humalia i digaula.

⁷Au e hai dalodalo huoloo bolo di hagamouli o Israel la gi hanimoi i Zion. Di tenetene damanaiee gaa hai go digau Israel, i di madagoaa o Dimaadua ma gaa hai digaula gi haadanga lamalia labelaa!