Pisalem 137:6-9

⁶Au bolo au gi deemee hua laa di daahili labelaa maa au digi langahia eau goe, gei digi hagamaanadu ina goe bolo goe go dogu haga tenetene!

⁷Meenei Dimaadua, Goe gi langahia di mee a digau Edom ne hai i di laangi dela ne kumi ai Jerusalem go madau hagadaumee. Goe gi langahia telekai digaula dela ne hai boloo, “Ohaa ina gi meheu gi lala!”

⁸Babylon, goe ga mooho. E maluagina go tangada dela e tala di hui adu gi di goe i dau mee dela ne hai mai gi gimaadou.

⁹E maluagina go tangada dela e kae au ligiana, ga haga mamaawa gi di gili tadugalaa.