Pisalem 135:12-17

¹²Mee guu wanga nia henua digaula gi ana daangada, guu wanga nia maa gi Israel.

¹³Meenei Dimaadua, gimaadou guu dugu Goe bolo di God ni gimaadou i nia madagoaa huogodoo. Nia hagadili huogodoo ga langahia e ginaadou Goe.

¹⁴Dimaadua ga haga dagaloaha ana daangada. Mee ga manawa aloho i ana gau hai hegau.

¹⁵Nia god o nia henua la nia mee ne hai gi nia silber mo nia goolo, nia maa la ne hai gi nia lima dangada.

¹⁶Nia god digaula nadau ngudu i golo, ge e deemee di leelee, nadau golomada i golo, ge e deemee di mmada.

¹⁷Digaula nadau dalinga i golo, ge e deemee di hagalongo, digaula nadau ngudu i golo, ge e deemee labelaa di dogidogi.