Text copied!
CopyCompare
BIBOLO DABUŊ - Pesalem - Pesalem 91

Pesalem 91:6-13

Help us?
Click on verse(s) to share them!
6Aôm oc ôtêc gêmac sec, taŋ kêmoasac tokesecgeŋ ma ônaŋ geseŋ lau gêdêŋ ocsalô naŋ, êtap aôm sa atom amboac tonaŋgeŋ.
7Lau tausen, taŋ sêwiŋ aôm naŋ, embe sênaŋa, ma tausen to tausen, taŋ sêmoa kêsi lêmam anôŋaŋa naŋ, embe sênaŋa naŋ, mago oc êjac aôm sa.
8Aôm taôm matamanô êpi lau kesowaga ma ôlic ŋagêjô, taŋ oc êtap êsêac sa naŋ.
9Apômtau kêtu aômnêm lamu. Aôm kôjaliŋ Lôlôc Ŋatau sa gebe êtu nêm laimôkê,
10tec oc ôndac gêŋwapac atom ma gêŋ sec teŋ oc êsa nêm bec ŋagala atom.
11Gebe eŋ oc êsakiŋ nê aŋela êtu aômŋa gebe sejop aôm aŋga nêm lêŋ samob.
12Êsêac oc sêsip aôm sa ŋa lemeŋ gebe amkaiŋ êndiŋ êpi poc atom.
13Aôm oc ôsêlêŋ ôŋgêli lewe to moac. Aôm oc ôka lewe to moactêna popoc.

Read Pesalem 91Pesalem 91
Compare Pesalem 91:6-13Pesalem 91:6-13