Pesalem 77:4-10

⁴Eŋ kêkêŋ aê gajam jali gêbêcauc samuc. ŋoc ŋalêlôm ŋatutuc e kasôm biŋ jageo.

⁵Aê taêc gêjam kêsêp bêc gêmuŋgeŋŋa ma jala, taŋ gêjaŋa wanêcgeŋ su naŋ, amboac tonaŋ.

⁶Kêtôm gêbêcgeŋ aê taêc gêjam biŋ jakêsa-jakêsa. Aê taêc gêjam biŋ gêc ŋoc ŋalêlôm ma kakip sa e ganac matoc gebe

⁷“Apômtau oc êtiŋ aêac su samucgeŋ ma êmoasiŋ aêac êtiam atomanô me masi.

⁸Ênê têtac gêwiŋ teŋgeŋŋa gêbacnê me. Ma biŋ, taŋ eŋ gêjac mata naŋ, gêjac pep su me.

⁹Anôtô oc kêliŋ êmoasiŋ lauŋa siŋ me. Ênê têtac ŋandaŋ gêbôc nê taê walô auc me.”

¹⁰Tec kasôm gêdêŋ tauc gebe “Aêŋoc ŋalêlôm ŋawapac ŋanô gebe Apômtau gêjam nê gôliŋ ôkwi.”