Pesalem 72:5-10

⁵Gôlôac to gôlôac têtêc aôm êtôm têm, taŋ oc ajôŋ êpô gamêŋ naŋ.

⁶Kiŋ êtôm kom, taŋ gêjac kêsêp kôm ma eŋ oc êtôm kom, taŋ kêmalôm nom naŋ.

⁷Êtôm kiŋ tau nê têm biŋgêdêŋ ênac tau lêtêŋ amboac ŋaola ŋajam ma wama ênam gamêŋ auc kêtôm ajuŋ ŋawê kêpô gamêŋ gêôc aucgeŋ.

⁸Ênê gamêŋ gôliŋŋa ênêc gwêc ŋamadiŋ teŋ e naêndêŋ ŋamadiŋ teŋ ma aŋga bu Euprat e naêndêŋ nom ŋamadiŋ.

⁹lau gamêŋ sawaŋa sêpôŋ aeŋduc êndêŋ eŋ ma nê ŋacjo sêu tauŋ sênêc nom.

¹⁰Kiŋ Tarsis to lau, taŋ sêŋgôŋ nuc naŋ, oc sejoŋ nêŋ awa nasênsuŋ êndêŋ eŋ. Lau Arabia to Aitiopia ŋataui oc sêkêŋ nêŋ awamata êndêŋ eŋ.