Pesalem 66:3-11

³Asôm êndêŋ Anôtô gebe “Aômnêm gôliŋ e ŋajamanô kaiŋ teŋ. Aômnêm ŋacjo tetoc aôm sa kêtu nêm ŋaclai gêjam sêgaŋa.

⁴Lau gamêŋ samobŋa sewec êndêŋ aôm ma aweŋ êôc aôm. Samob tetoc nêm ŋaê sa.”

⁵Amêŋ ma alic gêŋ, taŋ Apômtau gêgôm naŋ. Eŋ gêjam gôliŋ ŋamalacnêŋ latuŋi e têtac kêsa laŋgwageŋ.

⁶Eŋ gêjam gwêc ôkwi kêtu gamêŋ ŋakeleŋ, tec eŋkaiŋ sêsa ŋasamac ŋamala sêja. Ma aêac têntac ŋajam kêtu eŋŋa.

⁷Eŋ ŋagôliŋ, nê gôliŋ oc ênêc teŋgeŋ. Mata kêsap tenteŋlatugeŋ, tec gêmoa. Lau-sêli-tauŋ-sawaga oc tetoc tauŋ sa êndêŋ eŋ atom.

⁸O tenteŋlatuac, alanem aêacma Anôtô. Aŋgôm ênê wae êtu tapa ŋanô.

⁹Eŋ gêjam aêac katuŋ sa, tec tamoa mateŋ jali ma kêpuc eŋkaiŋ tôŋ, tec taku atom.

¹⁰O Anôtô, aôm kôsaê aêacgac. Aôm kôpac aêac e awê kêtom sêpac silber gêwê.

¹¹Aôm kôkêŋ aêac awê uc. Aôm kôkêŋ gêŋwapac gêsac aêac dêmôêŋtêkwa tôŋ.