11Ma embe kiŋ têtac êkac eŋ êtu aôm laŋômanô ŋajamŋa, naŋ ôkêŋ êwiŋgeŋ gebe eŋ kêtu nêm ŋatau.
12Lau Tirusŋa oc sênsuŋ awa êndêŋ aôm. Ma lau tolêlôm oc têtu kêka-kêka gebe aôm ôlic êsêac ŋajam.
13Kiŋ latuo gêmoa andu kiŋŋa ŋalêlôm togêlôŋ ŋawasi laŋgwageŋ. Ênê ŋakwê sêwa gam gold gêwiŋ.
14Êsêac sêwê eŋ, taŋ kêsô ŋakwê talô-talô sa naŋ, dêdêŋ kiŋ sêja. Ma sêwê ênê sakiŋwagao toôŋgeŋ dêdêŋ kiŋ sêja amboac tonaŋgeŋ.
15Sêjam lasê ma sêwê êsêac toôndugeŋ ma jasêsô kiŋnê andu ŋalêlôm sêja.