Text copied!
CopyCompare
BIBOLO DABUŊ - Pesalem - Pesalem 40

Pesalem 40:6-13

Help us?
Click on verse(s) to share them!
6Da sêbucŋa to da keleŋ gêjac aôm matamanô ŋajam atom, mago kômasaŋ taŋocsuŋ gobe jaŋô biŋ. Aôm koteŋ daja to da wama atom.
7Amboac tonaŋ jasôm gebe “Ôlic acgom, oc jawac sêwa aêŋoc biŋ sa gêc biŋsu ŋabuku.
8O ŋoc Anôtô, aê jaŋgôm aômnêm biŋ êtu tôŋ janac ŋawae. Nêm biŋsu gêc ŋoc ŋalêlôm.”
9Aê kasôm aôm gôjam aêac sa ŋawae lasê aŋga lau taêsam sêkac tauŋ sa ŋalêlôm. O Apômtau, aôm taôm gôlicgac gebe aê kagamiŋ gêdôcôlic atom.
10Aê gasaŋ nêm biŋ gôjam lau kêsiŋa ŋawae auc gêc ŋoc ŋalêlôm atom. Kasôm lasêgeŋ gebe aôm ŋac ŋaŋêŋ to gôjam lau sa.
11O Apômtau, amboac tonaŋ ôŋgamiŋ taêm walô êndêŋ aêma atom. Nêm têmtac gêwiŋ teŋgeŋŋa to biŋ ŋaŋêŋ oc êkwa aê auc ŋapaŋ.
12Gêŋwapac ŋalêlêma atom kêgi aê auc. Ŋac sec kêtap aê sa gêjam aucgeŋ. Taêsam ŋasec kêlêlêc môkêclauŋ môkêcapacŋa su, tec gajac kapoac tauc gacgeŋ gamoa.
13O Apômtau, ôlic ŋajam ma ônam aê sa. O Apômtau, ônsaic taômgeŋ mêŋôpuc aê tôŋ.

Read Pesalem 40Pesalem 40
Compare Pesalem 40:6-13Pesalem 40:6-13