Pesalem 36:3-11

³Biŋ samob, taŋ eŋ kêsôm naŋ, biŋ alôb-alôb to biŋ dansaŋ. Eŋ gêwi nê gêŋ, taŋ andaŋgeŋ gêgôm tokauc ma ŋapep naŋ, siŋ su.

⁴Eŋ kêsa tau sic jagêc nê mê naŋ taê gêjam biŋ alôb-alôb. Eŋ kêsa sec ŋalêŋ ma laŋô gelo biŋ keso tau atom.

⁵O Apômtau, nêm têmtac gêwiŋ teŋgeŋŋa kapi e jagêdêŋ undambê ma nêm biŋ ŋaŋêŋ kapi e jakêpuc kêpi tao.

⁶Aômnêm biŋgêdêŋ kêtôm Anôtônê lôc sêkô ŋajaŋa. Aômnêm mêtôc kêtôm gwêc ŋagêdimbob. O Apômtau, aôm gôjam ŋamalac to bôc sa.

⁷O Anôtô, nêm têmtac gêwiŋ teŋgeŋŋa ŋajamanôgoc, tec ŋamalac latuŋi sêlamu aôm magêm ŋaajuŋlabu.

⁸Aômnêm andu ŋamoasiŋ taêsam gêjac êsêac mateŋ su. Aôm kôkêŋ êsêac sênôm aômnêm gêŋlêwê ŋajam ŋabu,

⁹gebe aôm kôtu daŋgôŋ mateŋ jali ŋamôkê. Aômnêm ŋawê kêpô aêac, tec tauŋ ajala ŋawê amboac tonaŋ.

¹⁰Nêm têmtac gêwiŋ teŋgeŋŋa êmoasiŋ êsêac, taŋ sêjala aôm naŋ, to êmoasiŋ êsêac, taŋ sêsa nêŋ lêŋ tolaŋôŋnêm sawageŋ naŋ.

¹¹Ôkêŋ lau teŋbeleŋ aŋgeŋ eŋkaiŋ êka aê tôŋ atom. Ma êsêac, taŋ sêkac tauŋ su aŋga Anôtônê naŋ, sensoc aê atom.