15Apômtau mata kêsap lau gêdêŋ ma kêkêŋ taŋa nêŋ taŋiboa.
16Apômtaunê laŋôanô kêkô secwaga auc gebe enseŋ êsêac su e nêŋ lau taêŋ ênam êsêac êtiam atom.
17Lau gêdêŋ embe sêmôêc, go Apômtau oc êkêŋ taŋa ma ênam êsêac sa aŋga nêŋ gêŋwapac samob.
18Apômtau gêjam tamiŋ lau-ŋalêlôm-popocwaga. Eŋ gêjam êsêac, taŋ nêŋ katuŋ ôluŋ-ôluŋgeŋ naŋ sa.
19Ŋac gêdêŋ gêôc gêŋwapac taêsam, mago Apômtau gêjam eŋ sa gêdêŋ gêŋ tonaŋ ŋai samob.
20Eŋ gejob ênê ŋatêkwa samob gebe ŋateŋ tulu atom.
Pesalem 34
Pesalem 34:15-20