Text copied!
CopyCompare
BIBOLO DABUŊ - Pesalem - Pesalem 22

Pesalem 22:3-31

Help us?
Click on verse(s) to share them!
3Mago aôm ŋac dabuŋ. Aôm gôŋgôŋ Israelnê wê lambiŋŋa ŋaô kêtu nêm lêpôŋ.
4Aôm tonaŋ tec aêac tameŋmai sêkêŋ mateŋ. Sêkêŋ mateŋ aôm, tec gôjam êsêac sa.
5Êsêac sêmôêc gêdêŋ aôm ma gôjam êsêac kêsi. Êsêac sêkêŋ mateŋ aôm e gôgôm êsêac majeŋ kêsa atom.
6Aê katôm ŋamalac atom, katôm moacêŋgic. Lau sêsu aê susu ma ŋamalac laŋôŋ gelo aê.
7Lau samob, taŋ sêlic aê naŋ, têtaŋ pêlê aê. Sêŋala to têdaiŋ gêsuŋ aê gebe
8“Ŋac tau tonaŋ gêsuŋ tau gêdêŋ Apômtau, tec Apômtau akôc eŋ samaŋ. Apômtau têtac gêwiŋ eŋ, tec ênam eŋ kêsimaŋ.”
9Aôm tonaŋ tec kôkôc aê aŋga tinoc têtaclêlôm, gojob aê ŋapep ma gaiŋ tinocnê su tôŋ.
10Tinoc kêkôc aê su ma aôm gôjam jaom aê ŋapaŋ. Gêdêŋ aê katu awê naŋ, aôm kôtu aêŋoc Anôtô.
11Ômoa jaêc aêma atom gebe gêŋwapac mêŋkêdabiŋ ma gêjam-sawaga teŋ gêmoa atom.
12Bulimakao kapoac taêsam sêkôm aê auc. Bulimakao kapoac Basanŋa toŋaclai sêgi aê auc.
13Gêŋ tau sêŋa aweŋ gêdêŋ aê kêtôm lewe kêtaŋ gebe êkaku gêŋ popoc.
14Aê gawê amboac labi. Aêŋoc ŋatêkwa samob kêsu. Aêŋoc ŋalêlôm kêtôm lêp ma gêwê gêc ŋoc waŋlêlôm.
15Aêŋoc koclabeŋ ŋakeleŋ kêsa amboac ku ŋasaboac ma imbeloc kêsap lôcboam tôŋ. Ma kôkôniŋ aê tôŋ gaêc gêmacanô ŋakekop ŋalêlôm.
16Ojae, kêam sêgi aê aucgoc. Secwaga toŋ teŋ sêwa aê auc ma sêkim lemoc to octapa lasê.
17Ŋoc ŋatêkwa samob gêc awêgeŋ. Êsêac mateŋ gê aê e gêjac mateŋanô ŋajam.
18Êsêac sêjac sam ŋoc ŋakwê gêdêŋ tauŋ. Ma sêpuc kapoac kêtu ŋoc ŋakwê baliŋŋa.
19O Apômtau, ômoa jaêc aêma atom. O ŋoc ŋaclai, mêŋônam aê sa sebeŋ.
20Ônam aê kêsi aŋga siŋ ma ônam aê sa aŋga kêamnêŋ gebe jamoa matoc jali.
21Ônam aê sa aŋga lewe awasuŋ ma ojop aê êndêŋ bôcgabuŋ ŋajabo.
22Aê jasôm nêm ŋaê lasê êndêŋ ŋoc lasitêwai ma jalanem aôm jakô gôlôac ŋalêlôm.
23Amac taŋ atêc Apômtau naŋ, alambiŋ eŋ. Amac samob, taŋ aŋga Jakobnê gôlôac naŋ, atoc eŋ sa. Amac samob, taŋ nêm ŋam kêsêp Israel naŋ, anac tênêp eŋ.
24Gebe eŋ mataanô geo gala to gêjam dêmôê ŋac ŋalêlôm sawa, taŋ kêpô lêna tau naŋ atom. Eŋ gêsaŋ laŋôanô auc gêdêŋ eŋ atom. Apômtau kêkêŋ taŋa eŋ gêdêŋ taŋ gêmôêc gêdêŋ eŋ naŋ.
25Aôm kôtu ŋoc lambiŋ, taŋ kêsa gôlôac kapôêŋ ŋalêlôm naŋ ŋamôkê. Ŋoc biŋ, taŋ gajac mata naŋ, gabe jaŋgôm êtu tôŋ jakô lau, taŋ têtêc eŋ naŋ laŋôŋnêmŋa.
26Lau ŋalêlôm sawa oc sêniŋ gêŋ e êôc êsêac tôŋ. Êsêac taŋ sesom Apômtau naŋ, oc aweŋ êôc eŋ. Nêm ŋalêlôm êpi-êpi endeŋ tôŋgeŋ.
27Nom ŋamadiŋ samob oc taêŋ ênam biŋ tonaŋ ma sênam tauŋ okwi dendeŋ Apômtau. Lau tomôkê-tomôkê samob oc sêu tauŋ sênêc eŋ laŋônêmŋa.
28Gebe Apômtau eŋ kiŋ, eŋ tec gêjam gôliŋ lau tomôkê-tomôkê samob.
29Lau towae samob aŋga nom oc sewec êndêŋ eŋ. Samob taŋ têtu kekop naŋ, to êsêac taŋ lêŋ tamac ênduŋa gêjac êsêac ŋawae naŋ, oc sewec êndêŋ eŋ amboac tonaŋgeŋ.
30Lau samob, taŋ ocgo mêŋsêsa naŋ, oc sênam sakiŋ eŋ. Ma lau oc têtêku Apômtaunê miŋ êndêŋ nêŋ wakuc.
31Êsêac oc sênac miŋ êndêŋ lau, taŋ teneŋi sêkôc êsêac atom tageŋ naŋ, gebe Apômtau gêjam êsêac sa.

Read Pesalem 22Pesalem 22
Compare Pesalem 22:3-31Pesalem 22:3-31