Pesalem 22:3-11

³Mago aôm ŋac dabuŋ. Aôm gôŋgôŋ Israelnê wê lambiŋŋa ŋaô kêtu nêm lêpôŋ.

⁴Aôm tonaŋ tec aêac tameŋmai sêkêŋ mateŋ. Sêkêŋ mateŋ aôm, tec gôjam êsêac sa.

⁵Êsêac sêmôêc gêdêŋ aôm ma gôjam êsêac kêsi. Êsêac sêkêŋ mateŋ aôm e gôgôm êsêac majeŋ kêsa atom.

⁶Aê katôm ŋamalac atom, katôm moacêŋgic. Lau sêsu aê susu ma ŋamalac laŋôŋ gelo aê.

⁷Lau samob, taŋ sêlic aê naŋ, têtaŋ pêlê aê. Sêŋala to têdaiŋ gêsuŋ aê gebe

⁸“Ŋac tau tonaŋ gêsuŋ tau gêdêŋ Apômtau, tec Apômtau akôc eŋ samaŋ. Apômtau têtac gêwiŋ eŋ, tec ênam eŋ kêsimaŋ.”

⁹Aôm tonaŋ tec kôkôc aê aŋga tinoc têtaclêlôm, gojob aê ŋapep ma gaiŋ tinocnê su tôŋ.

¹⁰Tinoc kêkôc aê su ma aôm gôjam jaom aê ŋapaŋ. Gêdêŋ aê katu awê naŋ, aôm kôtu aêŋoc Anôtô.

¹¹Ômoa jaêc aêma atom gebe gêŋwapac mêŋkêdabiŋ ma gêjam-sawaga teŋ gêmoa atom.