Pesalem 21:8-12

⁸O kiŋ, lêmam oc ôlô nêm ŋacjo samob tôŋ. Nêm anôŋa oc êtap samob, taŋ sêkêŋ kisa aôm naŋ sa.

⁹Aôm embe ojoc taôm lasê,-oc ôndamba êsêac êtôm ja geŋ oba. Apomtau têtac ŋandaŋ oc êndaŋgôŋ êsêac ma ja oc êniŋ êsêac su.

¹⁰Kiŋ oc enseŋ êsêacnêŋ wakuc aŋga nom su ma oc enseŋ nêŋ gôlôac aŋga ŋamalac ŋalêlôm su.

¹¹Êsêac embe sêniŋ oliŋ sec êtu aômŋa me taêŋ ênam gebe sênsau sêôc aôm, oc sêŋgôm gêŋlêlôm elêmê.

¹²Eŋ oc êpê êsêac ŋa nê sôb ma êôc êsêac ôkwi e sêc.