Pesalem 19:6-14

⁶Kêpi aŋga umboŋ ŋamadiŋ teŋ ma kêlêti e jakêsêp ŋamadiŋ teŋ ma gêŋ teŋ gêc ênê ŋandaŋ su atom.

⁷Apômtaunê biŋsu mansaŋ kêlau katuŋ. Apômtau gêwa nê biŋ sa jagêdêŋ ma kêkêŋ lau meloc-meloc têtu lau tokauc.

⁸Apômtaunê jatu e jakêtôm ma gêgôm nêŋ ŋalêlôm e ŋajamanô. Apômtaunê biŋsu e ŋakêŋkêŋ laŋgwageŋ, tec kêpô aêac mateŋanô.

⁹Tatêc Apômtau tonêŋ ŋalêlôm ŋawa ênêc endeŋ tôŋgeŋ. Apômtaunê mêtôc tau ŋanô ma jagêdêŋ samob.

¹⁰Biŋsu tau tonaŋ ŋanô kêlêlêc gold, kêlêlêc gold, taŋ sêpac e ŋanôgeŋ kêjaliŋ tau sa naŋ su. Biŋsu tonaŋ ŋakana ŋajam kêlêlêc lêp to ŋatêkwi, taŋ kêpoac ŋaobo naŋ su.

¹¹Biŋsu tonaŋ kêtu nêm sakiŋwaga nê puc. Lau taŋ sêmansaŋ naŋ, oc têtap ŋamoasiŋ taêsam sa.

¹²Ojae, asa oc taê ênam nê geo tomalageŋ samob. Amboac tonaŋ ôsuc ŋoc keso, taŋ tauc gajam kauc naŋ okwi.

¹³Ojop nêm sakiŋwaga gebe etoc tau sa atom. Biŋ jatoc tauc saŋa ênam gôliŋ aê atom. Go jamoa laŋôcnêm sawageŋ. Jawê kaiŋ biŋ kapôêŋ teŋ atom.

¹⁴Ôŋô aocsuŋ ŋabiŋ ŋajam ma biŋ, taŋ ŋoc ŋalêlôm taêc gêjam naŋ, êndêŋ aôm êwac. O Apômtau, ŋoc lamu to kêsiwaga ŋanô aôm. Dawidnê pesalem teŋ.