Pesalem 17:6-14

⁶O Anôtô, aê aoc gêjac aôm, gebe aôm kôkêŋ taŋam aê. Ôê taŋam aê ma ôŋô ŋoc biŋmaŋ.

⁷Oc nêm têmtac gêwiŋ teŋgeŋŋa lasê. Aôm gôjam lau, taŋ sêc nêŋ ŋacjo su wacsê lamu nêm anôŋa naŋ kêsi.

⁸Ojop aê êtôm aôm taôm gojob nêm matamanô. Ôŋgandê aê jaŋgôŋ nêm magêm ŋaajuŋlabu.

⁹Ojop aê êndêŋ lau sec, taŋ têtu kasec aê naŋ, to êndêŋ ŋoc ŋacjo, taŋ sêgi aê auc e tapi-tapigeŋ sebe senseŋ aêŋa naŋ.

¹⁰Êsêacnêŋ ŋalêlôm ŋadani e taêŋ walô aê atom ma sêboa tauŋ sa ŋa aweŋsuŋgeŋ.

¹¹Aê embe jamoa ŋasawa teŋ, oc sêwa aê auc. Êsêacnêŋ ŋalêlôm taêŋ gêjam tageŋ tonec gebe sênac aê piŋpaŋ e jansambi sa janêc.

¹²Êsêac têtôm lewe, taŋ kesegeŋ gwadaŋa gêmoa naŋ. Ac têtôm lewe ŋalatu, taŋ sacgeŋ-sacgeŋ gêmoa gamêŋdani ŋalêlôm gêdib nê gwada gêmoa naŋ.

¹³O Apômtau, ôndi naôndac ŋoc ŋacjo ma ôku êsêac tulu. Ôc nêm siŋ sa ma ônam katuc kêsi aŋga lau secwaga nêŋ.

¹⁴O Apômtau, taôm lêmam ônam aê sa aŋga ŋamalacnêŋ to lau nom tonecŋa, taŋ taêŋ kêka nêŋ gêŋ nomŋageŋ naŋ nêŋ. Gêŋ taŋ gôjac tôŋ gêc naŋ, ôkêŋ êndêŋ êsêac e êpô êsêac ôkwi laŋgwageŋ. Tauŋ sêniŋ e êtôm êsêac ma sêkêŋ ŋagêdô êndêŋ nêŋ latuŋi.