Pesalem 16:2-6

²Aê kasôm gêdêŋ Apômtau gebe “Ŋoc ŋatau aôm. Ŋoc gêŋ ŋajam ŋam aôm taômgeŋ.”

³Lau dabuŋ nomŋa êsêac lau ŋaŋêŋ. Êsêac sêjac aê matocanô ŋajam.

⁴Lau taŋ sêjaliŋ anôtôi jaba sa naŋ, oc sêôc gêŋwapac taêsam. Aê jakêŋ da decŋa êndêŋ êsêac atom, ma êsêacnêŋ ŋaê êsa aocsuŋ atom.

⁵Apômtau kêtu ŋoc gêŋlênsêm ma ŋoc gêŋ, taŋ gawê kaiŋ naŋ. Aôm gojob ŋoc lêŋlênsêm ŋapep.

⁶Sêjac belo gamêŋ e katap ŋoc gamêŋ ŋajam sa. Biŋŋanô, aê galic ŋoc gêŋlênsêm e gêjac matocanô ŋajam.