Pesalem 146:6-9

⁶Ŋac tonaŋ tec kêkêŋ undambê to nom ma gwêc to ŋagêŋlêlôm samob. Eŋ ŋac ŋaŋêŋ endeŋ tôŋgeŋ.

⁷Ênê mêtôc gêdêŋ gêjam êsêac, taŋ lau sêkôniŋ êsêac tôŋ naŋ sa ma gêlôm êsêac, taŋ mo gêjô êsêac naŋ. Apômtau kêgaboac lau kapoacwalôŋa su.

⁸Apômtau kêkêŋ mateŋpec sêlic gamêŋ kêtiam ma kêsa lau, taŋ sêpô dêducgeŋ naŋ sa. Apômtau têtac gêwiŋ lau gêdêŋ.

⁹Apômtau gejob lau jaba ma gêjam awêtuc to mosêbu sa. Mago eŋ geseŋ lau alôb-alôb nêŋ intêna su.