Pesalem 136:3-18

³Anam daŋge apômtauinêŋ Apômtau. Biŋŋanô, ênê moasiŋ ênêc endeŋ tôŋgeŋ.

⁴Eŋ gêgôm gêŋsêga. Biŋŋanô, ênê moasiŋ ênêc endeŋ tôŋgeŋ.

⁵Eŋ kêkêŋ undambê tokaucgeŋ. Biŋŋanô, ênê moasiŋ ênêc endeŋ tôŋgeŋ.

⁶Eŋ kêmasaŋ nom gêsac bu ŋaô. Biŋŋanô, ênê moasiŋ ênêc endeŋ tôŋgeŋ.

⁷Eŋ kêkêŋ oc to ajôŋ. Biŋŋanô, ênê moasiŋ ênêc endeŋ tôŋgeŋ.

⁸Eŋ kêkêŋ oc gebe êwê gamêŋ êndêŋ ocsalô. Biŋŋanô, ênê moasiŋ ênêc endeŋ tôŋgeŋ.

⁹Eŋ kêkêŋ ajôŋ to utitalata gebe sêpô gamêŋ êndêŋ êmbêc. Biŋŋanô, ênê moasiŋ ênêc endeŋ tôŋgeŋ.

¹⁰Eŋ gêjac Aiguptunêŋ ŋamêc êndu. Biŋŋanô, ênê moasiŋ ênêc endeŋ tôŋgeŋ.

¹¹Eŋ gêwê Israel sa aŋga Aiguptu. Biŋŋanô, ênê moasiŋ ênêc endeŋ tôŋgeŋ.

¹²Eŋ gêgôm ŋa lêma ŋajaŋa ma gêôc lêmadambê sa. Biŋŋanô, ênê moasiŋ ênêc endeŋ tôŋgeŋ.

¹³Eŋ gêwa Gwêckoc kêkôc gêja luagêc. Biŋŋanô, ênê moasiŋ ênêc endeŋ tôŋgeŋ.

¹⁴Eŋ gêwê Israel sêsêp ŋalêlôm sêja. Biŋŋanô, ênê moasiŋ ênêc endeŋ tôŋgeŋ.

¹⁵Eŋ kêtiŋ Parao to nê lausiŋ sêsêp Gwêckoc ŋalêlôm ma sênôm gwêc su. Biŋŋanô, ênê moasiŋ ênêc endeŋ tôŋgeŋ.

¹⁶Eŋ gêwê nê lau sêmoa gamêŋ sawa. Biŋŋanô, ênê moasiŋ ênêc endeŋ tôŋgeŋ.

¹⁷Eŋ gêjac kiŋ toŋaclai êndu. Biŋŋanô, ênê moasiŋ ênêc endeŋ tôŋgeŋ.

¹⁸Ŋac tau, taŋ gêjac kiŋ towae êndu naŋ. Biŋŋanô, ênê moasiŋ ênêc endeŋ tôŋgeŋ.