Pesalem 135:6-18

⁶Gêŋ samob, taŋ Apômtau têtac gêwiŋ aŋga undambê to nom ma aŋga gwêc to gêdimbobsêga samob naŋ, oc êŋgôm êtu tôŋ.

⁷Eŋ tec gêwê tao aŋga gwêcm kêpi gêmêŋ ma kêkêŋ ôsic kêsêp kom ŋalêlôm ma kêkôc mu su aŋga nom ŋakêclêsu.

⁸Eŋ tec gêjac Aiguptu nêŋ ŋamêc êndu, gêgôm gêdêŋ ŋamalac to bôc.

⁹Aŋga tônê eŋ kêsakiŋ gêŋsêga to gêŋtalô gebe êmêtôc Parao to nê sakiŋwaga samob.

¹⁰Eŋ tec geseŋ lau tomôkê-tomôkê taêsam ma gêjac nêŋ kiŋ toŋaclai êndu.

¹¹Amboac lau Amor nêŋ kiŋ Sihon ma Basan ŋakiŋ Og ma lau Kanaan nêŋ kiŋ toê-toê samob.

¹²Ma eŋ kêkêŋ êsêacnêŋ gamêŋ gêdêŋ lau Israel sêwê kaiŋ.

¹³O Apômtau, aôm nêm ŋaê oc ênêc teŋgeŋ. O Apômtau, nêm waem oc êsa êndêŋ gôlôac to gôlôac.

¹⁴Gebe Apômtau kêwaka nê launêŋ biŋgêdêŋ sa ma taê walô nê sakiŋwaga.

¹⁵Tenteŋlatunêŋ gwam ŋamalac lemeŋ sêgômŋa. Êsêac sêmasaŋ ŋa silber to gold.

¹⁶Aweŋsuŋ gêc, mago sêsôm biŋ atom. Mateŋanô gêc, mago sêlic gamêŋ atom.

¹⁷Taŋeŋsuŋ gêc, mago sêŋô biŋ atom ma sêsi aweŋ atom amboac tonaŋgeŋ.

¹⁸Lau taŋ sêmasaŋ gêŋ tauwaga naŋ, oc têtôm nêŋ gêŋ tonaŋ ma lau samob, taŋ ôliŋ andaŋ naŋ, amboac tonaŋgeŋ.