Pend-nesihetler 31:15-30

¹⁵|ו| Tang yorumasta u ornidin turidu, Ailisidikilerge yémeklik teyyarlaydu, Xizmetkar-dédeklerge nésiwisini teqsim qilidu.

¹⁶|ז| U bir parche étizni özi körüp alidu; Qoli bilen yighqan daramettin u bir üzümzar bina qilidu.

¹⁷|ח| Ishqa qarap u bélini küch bilen baghlar, Bileklirini küchlendürer;

¹⁸|ט| Öz ishining paydiliqliqigha közi yéter, Kéchiche chirighini öchürmey ish qilar.

¹⁹|י| U qolliri bilen chaqni chörer, Barmaqliri yip urchuqini tutar.

²⁰|כ| Ajizlargha yardem qolini uzitar; Hajetmenlerge qollirini sozar.

²¹|ל| Qar yaghqanda u ailisi toghruluq endishe qilmaydu, Öyidikilerning hemmisige qizil kiyimler kiydürülgen.

²²|מ| Kariwat yapquchlirini özi toquydu; Özining kiyim-kéchekliri kanap we sösün rexttindur.

²³|נ| Érining sheher derwazilirida abruyi bar; Shu yerde u yurttiki aqsaqallar qataridin orun alidu.

²⁴|ס| U nepis kanaptin kiyim-kéchek tikip uni satidu; Belwaghlarni tikip sodigerlerni teminleydu.

²⁵|ע| Kiyimi küch-qudret we izzet-hörmettur; U kélechekke ümid bilen külüp qaraydu.

²⁶|פ| Aghzini achsila, dana söz qilidu, Tilida méhribane nesihetler bar.

²⁷|צ| Ailisidiki ishlardin daim xewer alidu, Bikargha nan yémeydu.

²⁸|ק| Perzentliri ornidin turup uninggha bext-beriket tileydu; Érimu mubareklep uni maxtap: —

²⁹|ר| «Pezilet bilen yashighan ayallar köptur, Biraq sen ularning hemmisidinmu éship chüshisen» — deydu.

³⁰|ש| Güzellik séhri aldamchidur, Hösn-jamalmu peqet bir köpük, xalas, Peqet Perwerdigardin qorqidighan ayalla maxtilidu!