Pend-nesihetler 21:15-31

¹⁵Adaletni beja keltürüsh heqqaniylarning xushalliqidur, Biraq yamanliq qilghuchilargha wehimidur.

¹⁶Hékmet yolidin ézip ketken kishi, Erwahlarning jamaiti ichidikilerdin bolup qalar.

¹⁷Tamashagha bérilgen kishi namrat qalar; Yagh chaynashqa, sharab ichishke amraq béyimas.

¹⁸Yaman adem heqqaniy adem üchün görü pulining ornida qalar; Ézilgen duruslarning ornigha iplaslar qalar.

¹⁹Soqushqaq we térikkek ayal bilen ortaq turghandin, Chöl-bayawanda yalghuz yashighan yaxshidur.

²⁰Aqilanining öyide bayliq bar, zeytun may bar; Biraq exmeqler tapqinini utturluq buzup-chachar.

²¹Heqqaniyet, méhribanliqni izdigüchi adem, Hayat, heqqaniyet we izzet-hörmetke érisher.

²²Dana kishi küchlükler shehirining sépiligha yamishar, Ularning tayanchi bolghan qorghinini ghulitar.

²³Öz tiligha, aghzigha ige bolghan kishi, Jénini awarichiliklerdin saqlap qalar.

²⁴Chongchiliq qilghanlar, «Hakawur», «hali chong», «mazaqchi» atilar.

²⁵Hurun kishi öz nepsidin halak bolar, Chünki uning qoli ishqa barmas;

²⁶Nepsi yaman bolup u kün boyi teme qilip yürer; Biraq heqqaniy adem héchnémini ayimay sediqe qilar.

²⁷Yaman ademning qurbanliqi Perwerdigargha yirginchliktur; Rezil gherezde epkélin'gen bolsa téximu shundaqtur!

²⁸Yalghan guwahliq qilghuchi halak bolar; Eyni ehwalni anglap sözligen kishining sözi ebedgiche aqar.

²⁹Yaman adem yüzini qélin qilar; Durus kishi yolini oylap puxta basar.

³⁰Perwerdigargha qarshi turalaydighan héchqandaq danaliq, eqil-paraset yaki tedbir yoqtur.

³¹Atlar jeng küni üchün teyyar qilin'ghan bolsimu, Biraq ghelibe-nijat peqet Perwerdigardindur.