Pend-nesihetler 15:17-32

¹⁷Nepret ichide yégen bordaq göshte qilin'ghan katta ziyapettin, Méhir-muhebbet ichide yégen köktat ewzel.

¹⁸Térikkek kishi jédel chiqirar; Éghir-bésiq talash-tartishlarni tinchlandurar.

¹⁹Hurunning yoli tikenlik qashadur, Durus ademning yoli kötürülgen yoldek daghdamdur.

²⁰Dana oghul atisini shad qilar; Eqilsiz adem anisini kemsiter.

²¹Eqli yoq kishi exmeqliqi bilen xushtur; Yorutulghan kishi yolini toghrilap mangar.

²²Meslihetsiz ish qilghanda nishanlar emelge ashmas; Meslihetchi köp bolghanda muddialar emelge ashurular.

²³Kishige jayida bergen jawabidin xush bolar, Del waqtida qilghan söz neqeder yaxshidur!

²⁴Hayatliq yoli eqilliq kishini yuqirigha bashlayduki, Uni chongqur tehtisaradin qutquzar.

²⁵Perwerdigar tekebburning öyini yuluwéter; Biraq U tul xotunlargha pasillarni turghuzar.

²⁶Yamanlarning oy-pikri Perwerdigargha yirginchliktur; Biraq sap dilning sözliri söyümlüktur.  

²⁷Ach köz kishi öz ailisige awarichilik keltürer; Para élishqa nepretlen'gen kishi kün körer.

²⁸Heqqaniy adem qandaq jawab bérishte qayta-qayta oylinar; Yaman ademning aghzidin shumluq töküler.

²⁹Perwerdigar yaman ademdin yiraqtur; Biraq U heqqaniyning duasini anglar.

³⁰Xush közler köngülni shadlandurar; Xush xewer ustixanlargha gösh-may qondurar.

³¹Hayatliqqa élip baridighan tenbihke qulaq salghan kishi danalarning qataridin orun alar.

³²Terbiyeni ret qilghan öz jénini xar qilar; Tenbihge qulaq salghan yorutular.