Para Rasul 10:14-18

¹⁴Nanging rasul Pétrus semaur: “Ora Gusti, ora pisan-pisan! Aku durung tau mangan pangan sing ora apik lan ora éntuk dipangan.”

¹⁵Nanging swara mau terus ngomong menèh marang rasul Pétrus: “Barang sing dianggep apik lan kenèng dipangan karo Gusti Allah aja mbok tampik!”

¹⁶Lelakon iki dibalèni sampèk ping telu. Lèmèké terus diunggahké menèh nang langit.

¹⁷Rasul Pétrus mikir apa tegesé weweruh mau. Lah ing waktu kuwi wong-wong kongkonané kumendan Kornélius wis pada teka nang ngarep lawang, sakwisé takon-takon omahé rasul Pétrus.

¹⁸Wong-wong terus takon: “Apa nang omah iki ènèng wong sing jenengé Simon Pétrus?”